एजेन्सी । भारतमा बितेको २४ घण्टामा कोरोना भाइरसबाट १०,९५६ जना संक्रमित भएका छन् । भारतमा पहिलो पटक यति धेरै संख्यामा संक्रमित भएका हुन् ।
बितेको २४ घण्टामा मृत्यु हुनेहरुको संख्या पनि आजसम्मकै अत्याधिक रहेको छ । भारतमा बितेको २४ घण्टामा ३९६ जनाले ज्यान गुमाएका छन् ।
भारतमा अहिलेसम्म कोरोना भाइरसबाट २ लाख ९७ हजार ५३५ जना संक्रमित भएका छन् भने ८,४९८ जनाले ज्यान गुमाएका छन् ।
यसै गरी निको भइ घर फर्किनेहरुको संख्या १ लाख ४७ हजार रहेको छ ।
संक्रमणको हिसाबले भारतले बेलायतलाई जितिसकेको छ । अमेरिका, ब्राजिल र रुसपछि भारत रहेको छ ।
भारतमा सबैभन्दा बढी प्रभावित महाराष्ट्र प्रदेश भएकाे छ ।
प्रतिक्रिया दिनुहोस्