डडेलधुरामा नातीद्धारा वृद्धाको हत्या

काठमाडौं । डडेलधुरामा नातीले आफ्नै हजुरआमाको हत्या गरेका छन् । गन्यापधुरा २ कुँवरगाउँका २४ वर्षीय रोशनराज गिरीले धान कुट्ने ढिकीको मुशलले आफ्नी हजुरआमा राधादेवी गिरीलाई हिर्काउँदा मृत्यु भएको हो ।

घटना बुधबार साँझ घटेको हो । नातीको आक्रमणपछि गम्भीर घाइते भएकी ७३ वर्षीय हजुरआमालाई उपचार गर्न लैजाने क्रममा बाटोमै मृत्यु भएको हो ।

हजुरआमालाई आक्रमण गरेपछि नाती रोशनराज गिरी फरार भएका थिए । उनलाई प्रहरीले निगरानीमा ल्याइ कारबाही अगाडि बढाइसकेको छ ।

सल्लेरी खबर