एजेन्सी । अमेरिकाका राष्ट्रपति डोनाल्ड ट्रम्पले भारत र चीनमा अधिक परीक्षण गर्ने हो भने अमेरिकामा भन्दा धेरै संक्रमित भेटिने दाबी गरेका छन् ।
ट्रम्पले शुक्रबार अमेरिकामा दुई करोड कोरोना परीक्षण भइसकेको पनि जनाएका छन् । अमेरिकाको तुलनामा जर्मनीले ४० लाख र दक्षिण कोरियाले ३० लाखको परीक्षण गरेको पनि उल्लेख गरेका छन् ।
ट्रम्पले भने,‘ अमेरिकामा धेरै जाँच भएकाले धेरै जनामा देखिएको हो । हामीले भारत र चीनमा अत्याधिक जाँच गर्ने हो भने अमेरिकाभन्दा धेरै संक्रमित भेटिने छन् ।’
भारतको स्वास्थ्य मन्त्रालयका अनुसार भारतमा अहिलेसम्म ४० लाखको परीक्षण गरिसकिएको छ ।
जोन्स होप्किन्स यूनिभर्सिटीका अनुसार अमेरिकामा करिब १९ लाख संक्रमित भेटिएका छन् भने १ लाख ९ हजारको मृत्यु भएको छ ।
प्रतिक्रिया दिनुहोस्