काठमाडौं । नेपालमा थप ७५ जनामा कोरोना संक्रमण देखिएको छ । कर्णाली प्रदेशको सामाजिक विकास मन्त्रालयद्धार सोमबार जारी गरिएको सूचना अनुसार थप ७५ जनामा कोरोना संक्रमण भएको पुष्टि भएको छ । यससँगै कर्णाली प्रदेशमा संक्रमित हुनेहरुको संख्या १ सय ९८ पुगेको छ ।
कर्णाली प्रदेशको सामाजिक विकास मन्त्रालयको सूचना अनुसार पशुपंक्षी रोग अन्वेषण प्रयोगशाला, सुर्खेतमा गरिएको परीक्षणमा ३२ जना र कर्णाली स्वास्थ्य विज्ञान प्रतिष्ठान, जुम्लामा गरिएको परीक्षणमा ४३ जनामा संक्रमण पुष्टि भएको हो ।
कर्णालीमा ७५ जना संक्रमित भेटेसँगै नेपालमा कोरोनाबाट संक्रमित हुनेहरुको संख्या १६४२ पुगेको छ । कोरोनाबाट नेपालमा ८ जनाको ज्यान गइसकेको छ भने २२० जना उपचार गरी घर फर्केका छन् ।
प्रतिक्रिया दिनुहोस्