एजेन्सी । संयुक्त राष्ट्र संघका महासचिव एन्टोनिओ गुटेरेसले अफ्रिकी देशहरुबाट विकसित देशले पाठ सिक्नु पर्ने बताएका छन् ।
बुधबार फ्रान्सको एक रेडियो च्यानलसँग कुराकानी गर्ने क्रममा उनले भने, “महामारीलाई लिएर सुरुवातमा अफ्रिकी मुलुकहरुमा जुन अनुमान गरिएको थियो । तर, त्यो अनुमानभन्दा फरक प्रगति भएको छ । यसको कारण अफ्रिकी सरकार र संस्थाहरुले यस महामारीलाई नजरअन्दाज गर्दै समयमा नै सही कदम उठाए । तर विकसित राष्ट्रहरुले यस्तो गर्न सकेनन् । विकसित राष्ट्रले अफ्रिकन राष्ट्रबाट पाठ सिक्नु पर्दछ । ”
विश्वभर तीन लाख बीस हजारभन्दा बढीको मृत्यु हुँदा अफ्रिकी महादेशमा कोरोना भाइरसबाट ३,००० भन्दा कमको मृत्यु भएको छ भने ८८,००० संक्रमित भएका छन् ।
प्रतिक्रिया दिनुहोस्