एजेन्सी । बलिउडकी अभिनेत्री वाणी कपुर स्पाइ थ्रिलर चलचित्र बेल बटममा अक्षय कुमारसँग प्रमुख भूमिकामा देखिने भएकी छिन् ।
गएको नोभेम्बर ११ मा अक्षय कुमारले नयाँ चलचित्रको घोषणा गरेका थिए । अशीको दशकको भारतीय एजेन्टको कथामा आधारित रहेर चलचित्र निर्माण गरिनेछ ।
रन्जित तिवारीले निर्देशन गर्ने चलचित्रमा अक्षय कुमारसँग वाणी कपुर देखिने छिन् । वाणी कपुर सन् २०१९ मा रिलिज भएको चलचित्र वारमा हृतिक रोशनसँग देखिएकी थिइन् ।
मुम्बइ मिररका अनुसार वाणीले एक साताअगि नै सम्झौतामा हस्ताक्षर गरिसकेकी छिन् र उनी अक्षय कुमारसँग मिली चलचित्रको छायांकनका गर्नको लागि निकै उत्साहित भएकी छिन् ।
चलचित्रमा अक्षय कुमार सिक्रेट एजेन्टको रुपमा देखिनेछन् । चलचित्रको छायांकन मुम्बइ लगायतका विभिन्न ठाउँमा सेप्टेम्बरपछि सुरु हुने अनुमान गरिन्छ ।
