एजेन्सी । इरफान खान र करिना कपुर अभिनित चलचित्र अङ्ग्रेजी मिडियम मार्च १२ मा प्रदर्शनमा आएको थियो । चलचित्र प्रदर्शन भएको पहिलो सातामा नै कोरोना भाइरसको कारणले गर्दा अपेक्षा अनुसार कमाइ गर्न सकेको छैन ।
अङ्ग्रेजी मिडियमले ३ दिनमा १० करोड भारु बनाउन सफल भएको छ । चलचित्रले पहिलो सातामा १५ करोड भारु कमाउन सक्ने अनुमान गरिएको छ ।
चलचित्रका निर्देशक होमी अदजानियाले कोरोनाबाट सबैलाई बच्न आग्रह गर्दै चलचित्रलाई फेरि प्रदर्शनमा राख्ने घोषणा गरेका छन् ।
अङ्ग्रेजी मिडियममा इरफान र करिनाबाहेक राधिका मदन, दीपक डोब्रियाल, पंकज त्रिपाठी, मनु ऋषि, पूर्वी जैन लगायतका कलाकारहरुको अभिनय रहेको छ ।
सन् २०१७ मा प्रदर्शनमा आएको इरफान खान अभिनित चलचित्र हिन्दी मिडियमले बक्स अफिसमा राम्रो कमाइ गरेको थियो । हिन्दी मिडियमले फिल्मफेयर अवार्ड पनि पाएको थियो ।
