एजेन्सी । सुर्मा र साँड की आँखपछि बलिउडकी स्टार तापशी पन्नु एथ्लेटिक भूमिकामा रश्मी रकेटमा देखिदैछिन् । अभिनेत्री तापशी पन्नुले दुई महिना अघि नै रोमान्स थ्रिलर जनराको चलचित्र हसीन दिलरुवाको छायांकनको क्रममा उनले हरिद्धारको विद्यालयको चौरमा आगामी चलचित्रको लागि अभ्यास गरिरहेकी थिइन् ।
रश्मी रकेटको मार्च २६ बाट छायांकन सुरु हुँदैछ । विद्यालयका छात्रछात्राहरु तापशीबाट निकै प्रभावित भएका थिए । उनले प्रत्येक दिन दुई घण्टा चौरमा अभ्यास गरेकी थिइन् ।
चलचित्रमा अपारशक्ति खुराना र प्रियांशु पेनयुलीको पनि अभिनय रहेको छ । पटकथा अनिरुद्ध गुहाले लेखेका छन् भने चलचित्रको निर्देशन आकर्ष खुरानाले गर्नेछन् । रश्मी रकेट गुजरातकी एक खेलाडी हुन् । उनको जीवनमा आधारित रहेर रश्मी रकेट चलचित्रको निर्माण हुनेछ ।
