कुनै समय नेपाली चलचित्रमा राज गरेकी चर्चित नायिका रेखा थापा लामो समय देखि फिल्म दुनियाबाट टाडा रहेकी थिइन् भने नेपाली चलचित्र ‘हिरो रिर्टन्स’’ बाट कम-ब्याक गरेकी छन् ।
रेखा र सविन श्रेष्ठले अभिनय गरेको चलचित्र ‘हिरो रिर्टन्स’को ट्रेलर सार्वजनिक भएको छ । ३ मिनेट २३ सेकेन्डको ट्रेलर रेखा र सबिनलाई एक्सनमा देख्न सकिन्छ ।
चलचित्रको मुख्य भूमिकामा रेखा र सविनका साथमा दिल श्रेष्ठ, सुलेमान शङ्कर, सरोज खनाल लगायतका कलाकारको अभिनय रहेको छन् । उक्त चलचित्रमा अभिनेता सरोज खनाल भिलेन अवतारमा देखिने छन् ।
चलचित्रमा चन्द्र गौतम, सहदेव गौतम र भीम न्यौपानेको लगानी रहेको छ भने कार्यकारी निर्माता अमित श्रेष्ठ हुन् । मदन काश्यप घिमिरेको छायाङ्कन चलचित्रलाई मित्र डी गुरुङले सम्पादन गरेका हुन् ।
यसको कथा, पटकथा तथा संवाद शिवम् अधिकारीले तयार पारेका हुन् भने चलचित्रलाई आशिष भेटवालले निर्देशन गरेको छन् । उक्त चलचित्र वैशाख २६ गते देखि प्रदर्शन हुँदैछ ।
हेर्नुहोस् भिडियो :
