एजेन्सी । गए राति सम्पन्न भएको प्रिमियर लिग फुटबल अन्तर्गतको खेलमा लिभरपुलले अपराजित यात्रा कायम गरेको छ । लिभरपुलले वेस्ट ह्यामलाई ३–२ ले हराउँदै अपराजित यात्रा कायम गरेको हो ।
लिभरपुलका जर्जिनिओ विज्नाल्डमले खेलको नवौँ मिनेटमा गोल गरी घरेलु टोलीलाई अग्रता दिलाएका थिए । वेस्ट ह्यामका इस्सा डियपले खेलको १२ औँ मिनेटमा लिभरपुलविरुद्ध गोल फर्काए । पाब्लो फर्नाल्सले खेलको ५४ औ मिनेटमा गोल गरी वेस्ट ह्यामलाई अगाडि बढाए । मोहमद सलाहले दोस्रो हाफ सुरु भएको १८ मिनेटमा गोल गरी खेललाई बराबरीमा ल्याए । साडिओ मानेले खेलको ८१ औँ मिनेटमा गोल गरी लिभरपुललाई ३–२ ले जिताए ।
यो सिजनमा यूरोपकै उत्कृष्ट टिम लिभरपुलले लगातार १८ जितको यात्रा कायम गरेर म्यानचेस्टर सिटीसँग बराबरको कीर्तिमान राखेको छ ।
यसभन्दा अगि २०१७–२०१८ को सिजनमा म्यानचेस्टर सिटीले १८ खेलमा लगातार जित निकाली कीर्तिमानी कायम गरेको थियो ।
खेलमा जित निकालेको लिभरपुलले ७९ अंक बनाइ साबिक विजेता सिटीभन्दा २२ अंकले अगाडि रहेको रहेको छ भने हार व्यहोरेको वेस्ट ह्याम रेलिगेसनमा रहेको छ ।
