एजेन्सी । सन्नी हिन्दुस्तानी इन्डियन आईडल–११ का विजेता बनेका छन् । सन्नीले ट्रफीसहित २५ लाख भारतीय रुपैयाँ, कार र टी सिरीजमा गीत गाउने अवसर पनि प्राप्त गरेका छन् ।
सन्नीसहित फाइनलमा ५ जना पुगेका थिए । द्धितीय र तृतीय भएका रोहित राउत र अन्कोना मुखर्जीले ५–५ लाख भारु हात पारेका छन् भने चतुर्थ र पाँचौ भएका रिदम कल्यान र अद्रिज घोसले तीन लाख भारु हात पारे ।
अक्टोबरबाट एघारौँ इन्डियन आईडल सुरु भएको थियो । सन्नीले भोटको आधारमा इन्डियन आइडल–११ को विजेता बनेका हुन् ।
सन्नीको आवाजमा जादु थियो । अनु मलिकले सन्नीले गीत गाउँदा नुस्रत फटेह अली खानले गाएजस्तो अनुभूति भएको बताएका थिए । आनन्द महिन्द्रले अडिसन भिडियो सेयर गरेपछि उनी सामाजिक सञ्जालमा भाइरल भएका थिए ।
प्रतिक्रिया दिनुहोस्