एजेन्सी । अमेरिकाका ४५ औँ राष्ट्रपति डोनाल्ड ट्रम्प दुई दिनको लागि परिवारसहित भारत पुगको छन् । ट्रम्पको यो भ्रमण पहिलो भ्रमण हो । यसै गरी भारत भ्रमण गर्ने उनी अमेरिकाका सातौँ राष्ट्रपति हुन् । यसभन्दा अघि पूर्व राष्ट्रपति बाराक ओबामा आफ्नो दुबै कार्यकालको क्रममा आएका थिए ।
भारत भ्रमण सुरु गर्नुभन्दा पहिले ट्रम्पले,“ म भारत आउनको लागि तप्पर छु, म बाटोमा छु केही घन्टामा हामी सबैसँग भेट गर्नेछौँ” भन्दै हिन्दीमा ट्विट गरेका थिए ।
ट्रम्पसँग उनकी पत्नी मेलानिया र छोरी इभान्का पनि साथमा छन् । अहमबादमा भर्खर निर्माण भएकाे मोटेरा स्टेडियममा भारतीय प्रधानमन्त्री नरेन्द्र मोदी र ट्रम्प दुबैले नमस्ते ट्रम्प कार्यक्रमलाई सम्बोधन गर्नेछन् ।
ट्रम्पको भारत भ्रमणको मूख्य लक्ष्य व्यापार, रक्षा लगायतका विविध विषयमा रहेर केन्द्रित भएको जनाइएको छ ।
अहमबादबाट ट्रम्प उत्तरी प्रदेशमा रहेको ताजमहल जानेछन् अनि सोमबार साँझ दिल्ली पुग्ने भारतीय मिडियाहरुले उल्लेख गरेका छन् ।
