एजेन्सी । गए राति सम्पन्न भएको प्रिमियर लिग फुटबल अन्तर्गतको खेलमा म्यान्चेस्टर युनाइटेडले घरेलु मैदानमा जित निकालेको छ । युनाइटेडले वाट्फोर्डमाथि ३–० को जित निकालेको हो ।
खेलको ४२ औँ मिनेटमा ब्रुनो फर्नान्डेजले पेनाल्टीमार्फत् गोल गरी घरेलु टिमलाई अग्रता दिलाएका थिए । युनाइटेडकाे लागि ब्रुनाेले पहिलाे गाेल गरेका हुन् । एन्थोनी मार्सलले खेलको ५८ औँ मिनेटमा गोल गरी युनाइटेडलाई २–० ले अगाडि बढाए । खेलको ७५ औँ मिनेटमा म्यासुन ग्रीनवुडले गोल गरी युनाइटेडलाई ३–० ले जिताए ।
कमजोर प्रदर्शन गरेको पाहुना टोली वाट्फोर्डले खाता पनि खोल्न सकेन । खेलमा जित निकालेसँगै युनाइटेड ४१ अंकसहित तालिकाको पाचौँ स्थानमा निस्केको छ भने हार व्यहोरेको वाट्फोर्ड तालिकाको १९ औँ स्थानमा अवस्थित छ ।
प्रतिक्रिया दिनुहोस्