पछिल्लो समय निकै नै चर्चा परिचर्चा बटुल्न सफल चलचित्र ‘म यस्तो गीत गाउँछु २’ को ‘तिम्रो घरको वरिपरी, दुःखको काँडा’ र ‘कसम कसम ’ ले सफलता पाइसकेका छन् । तिन नै गीतलाई दर्शकले अत्याधिक रुचाएका छन् भने उक्त चलचित्रको ट्रेलर सार्वजनिक भएको छ।
ट्रेलरमा माया प्रेमसँगै दुख, कष्ट, संघर्ष र बिछोडलाई उठान गरिएको छ भने ट्रेलर ३ मिनेट १०सेकेन्डको रहेको छ। युवा पुस्तामाझा निकै चर्चा बटुल्न सफल नायक तथा नायिका पल र पूजाको केमेष्ट्रीलाई दर्शकले अत्याधिक रुचाएका छन् ।
चलचित्रको मुख्य भुमिकामा नायक पल र पुजाको साथमा अलावा हरिहर शर्मा, दिनेश डिसी, राजा रजेन्द्र, सोनिका रोकाया लगायतका कलाकारले अभिनय गरेका छन् ।
पूजा शर्मा र सुदर्शन थापाको लगानी रहेको चलचित्रको कथा र निर्देशन सुदर्शन थापाले नै गरेका छन् । उक्त चलचित्र फागुन २३ गतेबाट देशभर प्रदर्शन हुँदैछ ।
