पछिल्लो समय निकै चर्चामा रहेको जोडी नायक आकाश श्रेष्ठ र नायिका पूजा शर्मा । उनीहरु यो जोडीलाई दर्शकले अत्यन्तै रुचाएका छन् भने आकाश र पूजाले अभिनय गरेको नयाँ चलचित्र ‘सम्हालिन्छ कहिले मन’को रिलिज सार्वजनिक भएको छ ।
सुदर्शन थापाले निर्देशनमा गरेको चलचित्रलाई अजित कुमार थापाले निर्माण गरेको छन् । उक्त चलचित्र आगामी हरितालिका तीज भदौ ५ गतेबाट प्रदर्शन हुँदैछ । चलचित्र प्राविधिक कारणले रिलिज समयमा नै प्रदर्शनमा ल्याउन नसकिएको निर्देशक थापाले बताएका छन् ।
चलचित्रको मुख्य भूमिकामा नायक आकाश, पूजासँगै सरोज खनाल, सोनम, गौरी मल्ल, धिरेन शाक्यलगायतका कलाकारको अभिनय रहेको छ । चलचित्र लण्डन, स्कटल्यान्ड र वेल्समा लगायत ठाउँमा छायाङ्कन गरिएको छ ।
चर्चित गायक तथा संगीतकार अर्जुन पोखरेल, सुगम पोखरेल र ताराप्रकाश लिम्बुको सङ्गीत रहेको चलचित्रमा महेश दवाडीको कथा रहेको छ भने सौरभ लामाले छायाङ्कन गर्ने भएका छ ।चलचित्रलाई कविराज गहतराजले कोरियोग्राफी गर्ने भएका छन् ।
