एजेन्सी । अजय देवगण अभिनित चलचित्र रिलिज भएको २४ दिन भइसकेकाे छ । रिलिज भएको २४ दिन भएपनि चलचित्र अझै सुस्ताएको छैन ।
केही दिन अगि नै तानाजी अजय देवगणको सबैभन्दा बढी कमाउने चलचित्रको रुपमा स्थापित भएको थियो ।
रिलिज भएको २४ दिनमा तानाजीले बक्स अफिसमा २५० करोड भारु बनाइसकेको छ ।
तानाजीको कमाइ
पहिलो साता ११८.९१ करोड भारु
दोस्रो साता ७८.५४ करोड भारु
तेस्रो साता ४०.४२ करोड भारु
चौथो साता १३.५३ करोड भारु
जम्मा (२४ दिनको कमाइ २५१.४० करोड भारु)
रिलिज भएको चौथो सातासम्म पनि सुस्ताउन नखोजेको तानाजीले स्ट्रीट डान्सर थ्रीडी, जवानी जानेमन लगायतका चलचित्रलाई चुनौती दिइरहेको छ । तानाजीले सजिलैसँग २७५ करोड भारु बनाउन सक्ने अनुमान गरिएको छ ।
ओम राउतले निर्देशन गरेको चलचित्र तानाजीमा अजय देवगणसँगै काजोल, सैफ अली खान, नेहा शर्मा लगायतका कलाकारहरुको अभिनय रहेको छ ।
