एजेन्सी । बलिउडका स्टार आदित्य राय कपुरले अर्को वर्ष गीत रिलिज गर्ने बताएका छन् । आदित्य राय कपुर कलाकार हुनुभन्दा पहिला भिजेको रुपमा चार वर्ष काम गरेका थिए ।
उनले सन् २००९ मा रिलिज भएको लण्डन ड्रिम्स चलचित्रबाट बलिउडमा डेब्यू गरेका थिए । उनले म्युजिसियनकै रुपमा चलचित्रमा डेब्यू गरेका थिए । म्युजिसियनको रुपमा देखिएको चलचित्र आशिकी टुले निकै चर्चा पाएको थियो । अब आउने नयाँ वर्षमा उनले गीत लिएर आउने बताएका छन् ।
मुम्बइ मिररका अनुसार उनले भनेका छन् ,“म कलाकार बन्नुभन्दा पहिला संगीतमा केही गर्न चाहन्थेँ । अहिले म अभिनयबाट पर हटेको छु । म अझै पनि गितार बजाउन र गीत लेख्न चाहन्छु । अब समय मिलाएर स्टुडियो जानु छ अथवा मैले अरु संगीतकारहरुसँग मिलेर पनि काम गर्न सक्नेछु । ”
प्रतिक्रिया दिनुहोस्