एजेन्सी । टोटनहामका मिडफिल्डर क्रिस्टियन इरिक्सन २० मिलियन यूरोमा सिरी ए साइड इन्टर मिलानमा अनुबन्ध भएका छन् ।
इरिक्सन सोमबार इटालीको मिलानमा मेडिकल चेक र सम्झौतामा हस्ताक्षरको लागि पुगेको थिए । उनले इन्टर मिलानसँग सन् २०२४ जुन ३० सम्मको लागि सम्झौता गरेका छन् ।
डेनमार्कका २७ वर्षीय इरिक्सन सन् २०१३ को अगस्टमा टोटनहाममा अनुबन्ध भएका थिए । करिब ७ वर्ष टोटनहाममा बिताएका इरिक्सनको सम्झौता यस सिजनको अन्त्यमा सकिंदै थियो ।
इरिक्सन म्यानचेस्टर युनाइटेड र रियल मड्रिडमा जाने चर्चा चलेपनि इन्टर मिलानले सान सिरोमा ल्याउन सफल भयो । पछिल्लाे समयमा इन्टर मिलानमा प्रिमियर लिग क्लबबाट खेलाडीहरू अनुबन्ध भइरहेका छन् । म्यानचेस्टर युनाइटेडका अस्ले याेंग र चेल्सीका भिक्टर याेंग पनि मिलानमा अनुबन्ध भइसकेका छन् ।
