नायक विराज भट्टले आफै निर्देशन गरेको चलचित्र ‘साङ्लो’ को पहिलो गीत ‘चरीले काफल’बोलको गीत दर्शकले निकै नै रुचाएका थिए भने उक्त चलचित्रको दोश्रो गीत ‘झ्याम्मै आँखा झ्याम्मै’ सार्वजनिक भएको छ ।
अहिले दर्शकको प्रतीक्षामा रहेको छ । किनभने विराजसंगै (२०१७) की मिस नेपाल निकिता चण्डकले यस फिल्म देखि डेब्यु गरेकी छन् । त्यसैले पनि उक्त चलचित्र कस्तो बनेको होला भन्ने कौतुहलता दर्शकमा छ ।
सुरेश अधिकारीले संगीत भरेको गीतमा युवा गायक निशान भट्टराई र चर्चित गायिका अन्जु पन्तको स्वर रहेको छ भने गायक निशानकै शब्द रहेको छ । भिडियोमा नायक विराज भट्ट र नायिका निकिता चण्डकको रोमान्स गरेका छन् ।
उक्त चलचित्र केही पहिले ९ फागुनमा रिलिज हुने घोषणा भएको थियो । तर उक्त मितिमा अन्य धेरै फिल्म प्रदर्शनमा आउने भएपछि ‘साङ्लो’ले रिलिज मिति परिवर्तन गरेर यही माघको २४ गतेबाट देशभरि रिलिज हुँदैछ ।
‘आशा छ हामीले निकै दुख गरेका छौ दर्शकले एकदम रुचाउने छन्- नायक विराजले बताएका छन् । चलचित्रमा नायक विराज र निकिता सँगै जयनन्द लामा, कामेश्वर चौरासिया, प्रकाश शाह, आरपी पन्त, लय संग्रौला लगायतका कलाकारको पनि अभिनय रहेको छ ।
शिवम् अधिकारीको लेखन रहेको चलचित्रलाई श्री श्रेष्ठले एक्सन गरेका छन् । मानकृष्ण महर्जनद्वारा छायाङ्कन गरेको चलचित्रलाई अर्जुन जीसीले सम्पादन गरेका छन् ।
कविराज गहतराज र रामजी लामिछानेको कोरियोग्राफी छ भने चलचित्रको कथा शिवम अधिकारीले तयार पारेका हुन् । विराजले यस चलचित्र बाट निर्देशनमा डेब्यु गरेको हुन् ।
https://youtu.be/4HwI4j_5j0o
