युवा पुस्ताले निकै नै रुचाएका नायक हुन्- अनमोल केसी पछिल्लो समय एक पछि अर्को चलचित्रमा सुपर हिट भएका छन् । ‘ए मेरो हजुर ३’ पछि कुनै पनि चलचित्रमा देखिएका छैन् भने होम प्रोडक्समा निर्माण हुन लागेको बहुप्रतिक्षित चलचित्र ‘एन्टिहिरो’मा उनीसँगै चर्चित नायिका जसिता गुरुङ अनुबन्धित भएकी छिन् ।
बुधबार सम्झौतापत्रमा हस्ताक्षर गर्दै जसिता ‘एन्टिहिरो’मा नायिकाको रुपमा फाइनल भएकी हुन् । उक्त चलचित्रमा नायक तथा निर्देशक भुवन केसी खलनायक (भिलेन)का रुपमा देखिनेछन् । चलचित्र केसीका वैशाख १ गतेदेखि छायांकनमा जाने नायक भुवन केसीले बताएका छन् ।
जसिताले ‘लिलिबिली’ बाट नेपाली चलचित्रमा भित्रिएकी थिइन् भने पहिलो चलचित्र बाटै चर्चा नै चर्चा बटुल्न सफल भएकी थिइन् किन भने चलचित्र ‘लिलिबिली’मा नायक प्रदिप खड्कासंग काम गर्ने मौका पाइन् । यो चलचित्रमा उनले गरेको अभिनयलाई सर्वाधिक रुचाइयो ।
अहिले नायिका जसिता तेश्रो चलचित्र नायक धिरज मगरसँग ‘आई एम ट्वान्टी वान’मा व्यस्त रहेकी छन् भने यता नायक अनमोल ‘ए मेरो हजुर ४’ को वर्कसपमा व्यस्त रहेका छन् ।
