युवा पुस्ताले निकै रुचाएका नायक तथा नायिका अयुश्मान देशराज जोशी र शिल्प मास्के। उनीहरुका चलचित्र व्यापारिक हिसाब असफल भए पनि दर्शकको मन मुटुमा राज गरेका छन् ।
अयुश्मन र शिल्पले अभिनय गरेको नयाँ चलचित्र ‘सानो मन’ को ट्रेलर सार्वजनिक भएको छ । सार्वजनिक ट्रेलरमा अयुश्मन र शिल्पको प्रेममा आउने उतारचढावलाई प्रस्तुत गरेको दिखिन्छ ।
चलचित्र लभ स्टोरी जनारामा निर्माण गरिएको छ । चलचित्रको मुख्य भूमिकामा अयुश्मन र शिल्पसंगै गौरी मल्ल, बिशाल पहरी, रश्मि भट्ट, शिशिर बंग्देल, सक्षम कृष्ण सुबेदी, देव कुमार श्रेष्ठ, कृष्ण भक्त महर्जन, प्रकाश श्रेष्ठ लगायतका कलाकारको अभिनय रहेको छ ।
सुयोग गुरुङले यस चलचित्रबाट डेब्यू निर्देशन गरेका छन् । चलचित्रमा समिर सुनवार र निर्देशक गुरुङको सयुक्त लेखन रहेको छ भने आलोक शुक्लाद्वारा छायांकन गरेको भिडियोलाई सुयोग गुरुङ र मिलन श्रेष्ठले सम्पादन गरेका छन् ।
चलचित्र निर्माताहरू योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धर हुन् । चलचित्र आउँदो असार २० गतेबाट प्रदर्शन प्रदर्शन हुँदैछ ।
