सनिष श्रेष्ठको ‘दुःखको काँडा’‘ उखेल्दै पल र पूजा (भिडियो)

‘दि भ्वाइस अफ नेपाल सिजन २’बाट एकाएक चर्चा परिचर्चा बटुल्न सफल गायक सनिष श्रेष्ठ । उनको पछिल्लो समय चैतरफी चर्चा परिचर्चा हुने गरेको छ । सनिषको चलचित्र ‘म यस्तो गीत गाउँछु २’को समावेश ‘दुःखको काँडा’ बोलको गीत सार्वजनिक भएको छ ।

भिडियोमा मुख्य कलाकार नायक पल शाह र नायिका पूजा शर्मालाई फिचरिङ गरिएको छ । पूजा र पलको केमेष्ट्री पहिलो गीतमा जस्तै यसमा पनि जमेको छ ।

सार्वजनिक गीतमा सनिष श्रेष्ठको स्वर रहेको गीतमा चर्चित गायक तथा संगीतकार अर्जुन पोखरेलले संगीत भरेका छन् भने देवल भण्डारीको शब्द दिएका छन् ।

रामजी लामिछानेको कोरियोग्राफी रहेको यो गीतको भिडियोलाई सौरभ लामाले छायांकन गरेका हुन् । उक्त गीतलाई महराज थापाले एरेन्ज गरेका छन्।

चलचित्रको मुख्य भुमिकामा नायक पल र पुजाको साथमा अलावा हरिहर शर्मा, दिनेश डिसी, राजा रजेन्द्र, सोनिका रोकाया लगायतका कलाकारले अभिनय गरेका छन् ।

पूजा शर्मा र सुदर्शन थापाको लगानी रहेको फिल्मको कथा सुदर्शन थापाले लेखेका हुन् भने चलचित्रलाई सुदर्शनले नै निर्देशन गरेका छन् ।

उक्त चलचित्र फागुन २३ गतेदेखि देशभर प्रदर्शनमा आउदै छ भने रिलिज अघि नै चलचित्रले राम्रो प्रतिक्रिया पाएको छ। 

हेर्नुहोस् भिडियो:

https://youtu.be/UK15w8O_zWk

नमराज आचार्य