युवा पुस्ताले निकै रुचाएका चर्चित लोक गायक तथा मोडल प्रकाश सपुत । मोडलिंग देखि गायक हुँदै अहिले नायकको भूमिका निभाउदै छन् । प्रशान्त तामाङको मुख्य भूमिका रहेको चलचित्र ‘परदेशी’ को सिक्वेल बन्ने भएको छ । उक्त चलचित्रको सिक्वेल ‘परदेशी २’मा चर्चित लोक गायक प्रकाश सपुत अनुबन्धित भएका छन ।
गायक प्रकाश सपुत सानैदेखी अभिनयमा रुचि राख्ने बताउँदै आएका थिए । उनको सपना गायक बन्नु नभै नायक बन्नु थियो जुन ‘परदेशी २’बाट साकार हुने भएको छ ।
निर्देशक नारायण रायमाझी र प्रकाशबिच केही दिन अघि सम्झौता भएको खबर बाहिरिएको थियो । भने अझै नायिकाको भने टुङ्गो लगाइसकेको छैन । उक्त चलचित्र रोजगारीको सिलसिलामा परदेश गएका युवाहरूको कथा बोकेको निर्माण टिमले बताएको छ । चलचित्रको यहि फागुनबाट छायाङ्कन सुरु हुने छ ।
चलचित्र ‘परदेशी’ व्यापारिक हिसाबले सफल भएको थियो। दर्शकले निकै रुचाएका थिए अब यसैको सिक्वेललाई पनि दर्शकले मन पराउने आशा गरेको निर्देशक नारायणले बताएका छन् ।
