पछिल्लो समय निकै चर्चामा रहेको जोडी नायक आकाश श्रेष्ठ र नायिका पूजा शर्मा । उनीहरु यो जोडीलाई दर्शकले अत्यन्तै रुचाएका छन् भने आकाश र पूजाले अभिनय गरेको नयाँ चलचित्र ‘सम्झना बिर्सना’को फस्ट लुक्स सार्वजनिक भएको छ ।
पूजाले आफ्नो र आकाशको बुढ्यौली लुक्स आफ्नो फेसबुक मार्फत सार्वजनिक गरेकी छिन् । तस्बिर हेर्दा यस चलचित्रमा पूजा र आकाशको युवा देखि बुढ्यौली पन सम्मको प्रेमकथा देखाइएको भन्न सकिन्छ ।
उक्त चलचित्रको दृश्यको छायांकन सकिएको छ । अब गीतको छायांकन बाँकी रहेको नायिका पूजा शर्माले बताएकी छन् । पूजाले सामाजिक संजालमा फोटो शेयर गर्दै वर्ष भन्दा पनि खुशी चिन्न आवश्यक रहेको लेखेकी छिन् ।
‘रामकहानी’बाट सहकार्य सुरु गरेको यो जोडीको ‘पोई पर्यो काले’ रिलिज भइसकेको छ भने ‘सम्हालिन्छ कहिले मन’ प्रदर्शनको तयारीमा छ । चलचित्रको मुख्य भूमिका आकाश श्रेष्ठ, पूजा शर्मा, शिशिर राणा, छुल्ठिम गुरुङ, सुनिल थापा, मेनुका प्रधान, मदन भुजेल लगायतका कलाकारको अभिनय रहेको छ ।
चलचित्रको छायांकन सिलगुडी, दार्जिलिङ्ग र सिक्किममा गरिएको छ । चलचित्रलाई शिव ढकालले छायांकन गरेका छन् । आदित्य प्रधान र रेविका प्रधानले निर्मातागरेको चलचित्रलाई निमेष प्रधानले निर्देशन गरेका छन् ।
