केहि समय अघि मात्रै सुपरहिट भएको एसएस राजामौलीको दक्षिणी भारतीय फिल्म ‘बाहुबली २’ले बनाएको रेकर्ड अर्को दक्षिण भारतीय सुपरस्टार अजीत कुमारको तामिल फिल्म ‘विवेगम’ले तोडीदिएको छ ।फिल्म ‘विवेगम’रिलज भएको ४ दिनमै यसले ‘बाहुबली २’ को रेकर्ड तोडेर नयाँ रेकर्ड बनाएको हो ।
फिल्मले चेन्नईमा यो बर्षकै धेरै कमाई गर्दै रेकर्ड तोडेको हो | शनिबारसम्म फिल्मले ६७.९२ करोड भारु कमाएको थियो। फिल्मले पहिलो दिनको २५.८३ करोड भारतीय रुपैंया कमाएको थियो ।‘बाहुबली २’ ले चेन्नईमा ३ दिनमा ३.२४ करोड भारतीय रुपैया कमाएको थियो । ‘विवेगम’ले ४.२८ करोड भारतीय रुपैयाँ कमाएको छ ।विवेगम तमिल सिनेमाको पहिलो इन्टरनेश्नल स्पाइ थ्रिलर भएको बताइएको छ ।विवेक ओबरायले खलनायकको भूमिका निर्वाह गरेका छन् । शिवाले निर्देशन गरेको यस फिल्ममा अजित र विवेकसँगै काजल अग्रवाल तथा अक्षरा हसनको अभिनय रहेको छ ।
