हाम्रो शरीरमा फलफुल सेवनले विभिन्न किसिमका भिटामिन प्रदान गर्छ । अम्बा पनि मानव शरीरका लागि निकै नै लाभदायक छ । नेपालका प्रायः सबै क्षेत्रमा पाईने यस फलमा भिटामिन सी, फाइबर तथा अरु महत्वपूर्ण खनिजहरु पाइन्छन् ।
अम्बाको फलका साथै यसको पात पनि त्यत्तिकै महत्वपूर्ण छ । यसका पातमा भएका एण्टी अक्सिडेण्ट, एण्टी व्याक्टेरियल लगायतका गुणहरुले विभिन्न किसिमका स्वास्थ्य समस्या हल गर्न सघाउ पुग्दछ । अम्बामा भएको चिसोपनाले गर्दा हामीलाई शितलता प्रदान गर्दछ । पेट सम्बन्धि रोगहरुका लागि अम्बाको सेवन अति उपयोगी हुन्छ । अम्बा भिटामिन सी ले भरिपूर्ण हुन्छ । यसले मेटापोलिज्मलाई राम्रो बनाउने भएकोले शरीरमा कोलेस्ट्रोलको स्तर नियन्त्रित हुन्छ ।
अम्बाको सेेवनबाट स्वास्थलाई पुने फाइदाहरु यसप्रकार छन् :
-तपाईंलाई कब्जियतको समस्या छ भने बिहान खाली पेटमा अम्बा सेवन गर्नाले कब्जियतको समस्या दुर हुन्छ ।
– यदि बाल-बालिकाको पेटमा किराहरु पर्ने समस्या छ भने पनि अम्बाको सेवनले तुरुन्त फाइदा पुर्याउँछ ।
– अम्बामा पर्याप्त मात्रामा म्याग्नेसियम हुन्छ, जसले तनाव र चिन्ता कम गर्न महत्वपूर्ण भूमिका निभाउँछ ।
– यदि तपाईं नियमित रुपमा अम्बाको सेवन गर्नु हुन्छ भने तपाईंको छाला सुन्दर, चम्किलो र आकर्षक हुन्छ ।
-यदि तपाईंलाई पित्तको समस्या छ भने अम्बाको सेवन लाभदायक हुन्छ ।
-यदि तपाईं नियमित रुपले अम्बाको सेवन गर्नु हुन्छ भने तपाईंको ब्लड प्रेसर सन्तुलनमा रहन्छ ।
दिनहुँ अम्बा खानाले रुघा-खोकी जस्ता मौसमी रोगहरु समेत कम हुन्छन् ।
अम्बाका पातमा हुने गुणहरु
- मधुमेह रोगीका लागि फाइदा
अम्बाको पातबाट बनेको चिया मुधमेह रोगीका लागि निकै फाइदाजनक हुन्छ ।
- झाडापखालाबाट मुक्ति
३० ग्राम अम्बाको पात र एक मुठ्ठी चामलको पीठोमा दुई गिलास पानी हालेर उमालेको पानी दिनको दुई पटक पिउँदा निकै संचो हुन्छ।
- तौल घटाउन
,अम्बाको पातले कार्बोहाइड्डमा पाइने स्टार्चलाई चिनीमा बदलिने प्रक्रियालाई रोक्छ जसबाट तौल घटाउन मद्दत पुग्दछ ।
- पाचन प्रणालीमा सहयोगी
अम्बाको पात खाँदा खाना नपच्ने समस्याबाट छुटकारा पाइन्छ । यी पातले डाइजेष्टिभ इन्जाइमलाई बढाएर खाना पचाउन मद्दत गर्दछन् ।
- मुटुका लागि
अम्बाको पातको चिया मुटुका लागि पनि फाइदाजनक हुन्छ ।
- बलियो कपालका लागि
अम्बाको ताजा पातको रस पिउनाले कपाल बलियो हुन्छ ।
- ऐलर्जीको दुश्मन
अम्बाको पातमा कुनै पनि प्रकारका ऐलर्जीको समस्याबाट पार पाउने गुणहरु विद्यमान छन् ।
