तपाईँलाई के लाग्छ भगवान् होलान् त? यदि कसैले मलाई सोध्दछ भने मेरो जवाफ हुनेछ भगवान् किन छैनन् अवश्य नै छन् जसलाई हामी पिताका रूपमा चिन्ने गर्छौँ l जसरी यो संसार देखाउनलाई आमाको भूमिका हुन्छ, त्यसै गरी पिताले पनि आफ्ना सन्तानलाई यस संसारमा ल्याउन र उनको उज्वल भविष्य बनाउन सधैँ प्रयास गरिरहेका हुन्छन् । प्रत्येक पिताहरूले आफ्नो सन्तानको भविष्य सफल बनाउनका लागि कहिले अभिभावक बनेर, असल शिक्षक बनेर, साथी बनेर र कहिले प्रेरणाको स्रोत बनेर लागिपरेका हुन्छन् । हरेक पिता चाहन्छन् कि उनीहरूको सन्तान सधैँ हासीखुसी रहुन l जसका लागि पिताले आफ्नै चाहनाको पनि त्याग गरिरहेका हुन्छन् l त्यसैले त भनिन्छ पितालाई भगवानका रूप l हामी हिन्दु धर्मावलम्बीहरू धरै चाडपर्व मनाउने गर्छौँ l जहाँ धार्मिक, सांस्कृतिक, पारिवारिक र सामाजिक परम्पराहरू समावेश हुन्छन् l कुनै पर्व आमाका लागि विशेष हुन्छन्, कुनै गुरुका लागी र कुनै पर्व दाजुभाइ वा दिदीबहिनीका लागि विशेष मानिन्छ l त्यसै गरी आजको दिन अर्थात् ‘बुबाको मुख हेर्ने दिन’ लाई महत्वपूर्णका रूपमा लिइने गरिन्छ l आजको दिन सबै सन्तानहरूका लागि पनि विशेष दिन हो l जसले यस संसारलाई देख्ने अवसर पाएका छन् l हुन् त आफ्ना पितालाई माया गर्नु वा सम्झनु कुनै दिन पर्खी रहनु पर्दैन् l तर पनि आजको दिनलाई भने विशेष नै मानिने गरिन्छ l आजको दिनमा पिताको भौतिक उपस्थिति हुने छोराछोरीले उनको मुख हेरेर मिठाई, फलफुल, कपडा आदि उपहार दिने र परदेशमा हुने छोराछोरीले फोनबाटै कुरा गर्ने गर्दछन् l त्यसै गरी आजको दिनलाई विशेष बनाउनका लागि काठमाडौँस्थित गोकर्ण मन्दिरमा विशाल मेला लाग्ने गर्दछ जहाँ पिता नभएका सन्तानहरू गएर बत्ती बाल्ने वा दान दिने गर्छन् l भनिन्छ, आजको दिनमा पिता नभएकाहरूले मन्दिर गएर बत्ती बाल्नका साथै दान दिनाले पितृको आशीर्वाद प्राप्त हुने गर्छ l त्यसैले हामी सबै सन्तानहरूले आफ्नो पितालाई माया गर्नका साथसाथै आदर गर्ने बानी पनि बसालौं l जसले गर्दा पितृको आशीर्वाद प्राप्त हुनका साथै जीवनमा थुप्रै सफलता पनि हासिल हुनेछ l
