हरेक व्यक्तिमा तनाव हुन्छ जसले मानिसलाई अस्थिर बनाउनका साथ साथै स्वयंलाई सन्तुलन पनि राख्न सक्दैनन् l मस्तिष्कको शक्ति र स्मृतिले मानिसहरूको जीवनमा महत्वपूर्ण भूमिका खेलेको हुन्छ । उक्त कारण दिमागलाई स्वस्थ राख्न आफ्ना अस्वस्थ व्यवहार हटाउँदै जानुपर्दछ । त्यस्तो गर्नाले मानिसले आफ्नो जीवनमा सफलता प्राप्त गर्दै जानेछ l
दिमाग अस्वस्थ रहनुका कारण
- नशालु पदार्थ सेवन ।
- पौष्टिक खानाको कमी
- लामो समयसम्म चिन्तित हुनु
- काममा असन्तुष्टि
- अनिद्रा, शारीरिक तथा मानसिक थकान
दिमाग अस्वस्थ रहनुका लक्षणहरू
- निराश
- कमजोरी
- अल्छीपन
- अरुचि
- मानसिक थकान
- सम्झिने शक्ति घट्दै जानु l
दिमाग स्वस्थ राख्न अपनाउनुहोस् यी उपायहरू :
विगतका कुरामा चिन्ता नगने
कहिले पनि आफ्नो विगतलाई सम्झेर चिन्ता लिने कार्य नगर्नुहोस् l किनकि विगतका कुराले मात्र तनाव दिने र सम्झने शक्ति हराउँदै जाने गर्छ l त्यसैले भविष्यलाई सम्झिनुहोस् र अगाडी बढ्नुहोस् l
अप्रिय कुरामा नअल्झिने :
कुनै एक विषयलाई लिएर बढी सोचमा नपर्नुहोस् l तपाइको एक गल्तीले नै जीवनको पुरै प्रतिष्ठा सकिँदैन । त्यसैले तपाईँ अगाडी बढ्दै जान्नुहोस् र एउटा कुरामा नै अल्झिएर नबस्नुहोस् ।
गल्तीबाट पश्चात्ताप नगनै :
प्रत्येक व्यक्तिबाट जानेर होस् वा नजानेर होस् गल्ती हुने गर्छ l यदि तपाईँले अन्जानमा गल्ती गर्नु भएको छ भने त्यस गल्तीलाई सम्झेर पश्चात्ताप नगर्नुहोस् l किनकि धरै समय पश्चात्ताप गर्नाले पनि दिमागको क्षय हुन्छ ।
परिवर्तनसँग नडराउने :
सफता हासिल गर्नका लागि परिवर्तन हुन आवश्यक हुन्छ । मानिसको दिमाग परिवर्तनशील हुन्छ । हामी यथास्थितिमा राख्न खोज्छौँ, जसले गर्दा बुद्धिको विकासमा असर पुर्याउँछ । परिवर्तनसँग डराउने होइन, खुलेर सामना गर्ने विचारले दिमाग बढाँउछ ।
