गुल्मीको रेसुङ्गा नगरपालिकाको कार्यपालिकाको निर्वाचनमा एमाले नेताले कांग्रेसका एक कार्यकर्तालाई एक भोटका लागि २५ हजार रुपैयाँ दिएको अडियो सार्वजनिक भएको छ ।
शुक्रबार नेपाली कांग्रेस गुल्मीले पत्रकार सम्मेलन गरी एमालेका जिल्ला सचिवालय सदस्यले कांग्रेसबाट ५ नम्बर वडाका वडा सदस्य धनबहादुर नेपालीलाई शुक्रबार विहान तम्घासको एक गोप्य स्थानमा बोलाई २५ हजार हातमा थमाई दिएको अडियो रेकर्ड र नगद सार्वाजानिक गरिएको हो ।
टेलिफोन कुराकानीको अडियोमा भनिएको छ, ‘अहिले २५ हजार लिन आउनुस, कार्यपालिका जितियो भने एक लाख अरु दिईने छ, पैसाको पिरै नगर्नुस् ।
कांग्रेस कार्यकर्ता नेपालीले आफु इमान्दार कांग्रेसजन भएकोले एमालेको पैसामा बिक्न नचाहेको तर अरु दलितहरु सचेत होउन भनेर उक्त रकम लगेर कांग्रेसका जिल्ला सचिव खिलध्वज पन्थीलाई दिएर सार्वाजानिक गरेको बताए ।
कांग्रेस सभापति श्रेष्ठले एमालेले चुनाव जित्नु रहस्य बल्ल अहिले आएर खुलेको बताए ।
उनले भने–‘ हामीलाई चुनाव ताका थियो , एमालेले धुप्रै दलित गरिवहरुलाई पैसा बाडेको छ भन्ने कुरा तर पनि प्रमाण थिएन, वल्ल अहिले आएर प्रमाण फेला पारेका छौं , पत्रकार सम्मेलन मात्रै गरेका होईनौं निर्वाचन आयोगमा मुद्धा समेत दायर गर्दैछौ । ’
मेयरका पराजित उम्मेदवारुमेत रहेका श्रेष्ठले भने, ‘पैसा बाँडेर चुनाव जित्नु भनेको ति दलित गरिव वर्ग समुदाय माथीको ठुलो अपमान हो ।’
