२६ असार, काठमाडौं । विश्वकप क्रिकेटको दोस्रो सेमिफाइनलमा आज अष्ट्रेलिया र इंग्ल्यान्ड भिड्दै छन् । वर्मिङह्याममा मैदानमा खेल नेपाली समयअनुसार ३ : १५ बाट सुरु हुनेछ ।
आजको विजेता टोलिले उपाधिका लागि न्युजिल्यान्डसँग प्रतिस्पर्धा गर्नेछ ।सर्वाधिक पाँच पटकको विजेता अष्ट्रेलिया इंग्ल्यान्डलाई पराजित गर्दै छैटौं पटक उपाधि जित्ने दाउमा हुनेछ । त्यस्तै , इंग्ल्यान्ड भने लिग चरणको हारको बदला लिने लक्ष्यमा हुनेछ ।
विश्वकपमा ८ पटक इंग्ल्यान्ड र अष्ट्रेलिया भेट भएको छ । जसमा इंग्ल्यान्ड २ खेलमा विजयी हुँदा ६ खेलमा पराजित भएको छ । अष्ट्रेलिया लगातार र इंग्ल्यान्ड २७ वर्षपछि फाइनलमा पुग्ने धुनमा छन् ।
प्रतिक्रिया दिनुहोस्