२४ असार, काठमाडौं ।आइसिसी टी-२० विश्वकप एसिया छनोट प्रतियोगिताको तयारीका लागि नेपाल क्रिकेट टोलि मंगलबार मलेसिया प्रस्थान गरेको छ।
आगामी साउन ६ देखि सिंगापुरमा हुने विश्वकप छनोटअघि नेपालले मलेसियामा १० दिन अभ्यास गर्न र अभ्यासका दौरान नै मलेसियासँग टी-२० अन्तर्राष्ट्रिय सिरिज खेल्ने कार्यक्रम तय भएको थियो ।
आज आयोजित कार्यक्रममा राष्ट्रिय खेलकूद परिषद् (राखेप) का नवनियुक्त सदस्य–सचिव रमेश सिलवालले बिदाइ गरे । विदाईपश्चात नेपालका कप्तानले विश्वकप छनोटमा कुनै टिमलाई कमजोर नआँक्ने र अर्को चरणमा पुग्न सबै खेल जित्नुको विकल्प नभएको बताएका छन् ।
उतैबाट मलेसियामा रहेका पवन सर्राफ र रोहितकुमार पौडेलले टोलीमा समावेश हुने छन्।
नेपाली टोलि मलेसियाबाटै साउन ४ गते सिंगापुर प्रस्थान गर्नेछ। प्रतियोगितामा नेपालसँगै आयोजक सिंगापुर, मलेसिया, कुवेत र कतार प्रतिस्पर्धा गर्नेछन् । प्रतियोगिताको विजेता टोली टि-२० विश्वकपको ग्लोबल क्वालिफायरका लागि छनोट हुनेछ ।
