२३ असार, काठमाडौँ l नेपाल प्रहरीले सिरिन्ज आक्रमणमा संलग्न रहेको आशंकामा एकजनालाई काभ्रेबाट पक्राउ गरेको छ । पक्राउ पर्नेमा स्याङ्जाका खगेन्द्र प्रसाद पाठक रहेका छन् l
उनलाई बनेपास्थित चार दोबाटो भन्ने स्थानबाट आज दिउँसो पक्राउ गरिएको जिल्ला प्रहरी कार्यालय काभ्रेका प्रमुख एसपी जयराज सापकोटाले जानकारी दिए । पाठक लोकसेवा आयोगको परीक्षा तयारीका क्रममा काभ्रेमा बस्दै आएका थिए ।
काभ्रेमा २ साताअघि एक युवतीले आफूमाथि सिरिन्ज आक्रमण भएको भन्दै प्रहरीलाई उजुरी दिएकी थिइन् । सिरिन्ज आक्राणमा संलग्नता रहेको भन्दै स्थानीयले दिएको सूचनाको आधारमा पाठक पक्राउ परेको बताइएको छ ।
प्रतिक्रिया दिनुहोस्