२३ असार, सल्यान । ट्रक दुर्घटना हुँदा सल्यानमा १० जना घाइते भएका छन्। सोमबार बिहान रुकुम पूर्वबाट दाङको तुलसीपुरतर्फ आउँदै गरेको ना ४ ख ९७११ नम्बरको ट्रक बाँसखोलीको मोडमा दुर्घटना भएको हो ।
घाइते हुनेमा ट्रकका चालक २६ वर्षीय ताराबहादुर खड्का, सहचालक २० वर्षीय यज्ञबहादुर खड्का, ३८ वर्षीय मानबहादुर पुन घाइते भएका छन्।
सल्यान निवासी ३० वर्षीय छवि विक, उनका ११ वर्षीय छोरा प्रवीण विक, ४० वर्षीया नविना खत्री, ४२ वर्षीय उपेन्द्र रावत, ३८ वर्षीय गीता रेउले र ६६ वर्षीय दलबहादुर बोहोरा घाइते भएका छन्। त्यस्तै , सल्यानका ५३ वर्षीय दुर्गाबहादुर बस्नेतको अवस्था गम्भीर रहेको जिल्ला प्रहरी कार्यालय सल्यानले जानकारी दिए।
घाइतेमध्ये २ जनाको राप्ती प्रादेशिक अस्पताल तुलसीपुर दाङमा उपचार भइरहेको छ भने अन्य घाइतेहरूलाई थप उपचारका लागि बाँकेको कोहलपुर मेडिकल कलेजमा रेफर गरिएको छ।
प्रहरीका अनुसार स्टेरिङ फेल भएको हुँदा ट्रक दुर्घटना भएको हो ।
