२१ असार, काठमाडौं । एकदिवसिय विश्वकप क्रिकेट प्रतियोगितामा अहिले भारत र श्रीलंकाबीच प्रतिस्पर्धा हुदैछ । लिड्सको हेडिङले मैदानमा श्रीलंकाले भारतविरुद्ध टस जित्दै पहिला ब्याटिङ रोजेको छ ।
प्रतियोगिताबाट बाहिरिसकेको श्रीलंकाका लागि भने आजको खेल प्रतिष्ठाको लडाई मात्र हुनेछ । त्यसैले श्रीलंका विना दबाब मैदान उत्रदै अन्तिम खेलमा भारतलाई स्तब्ध पार्दै सुखद अन्त्य गर्ने सोचमा छ । यता भारत सेमिफाइनलमा पुगि सकेको छ । भारत आजको खेलमा फराकिलो जित निकाल्न चाहान्छ ।
त्यस्तै विश्वकप क्रिकेटमा ८ पटक आमनेसामने हुँदा श्रीलंकाले ४ पटक र भारतले ३ पटक जित हात पारेकाे छ ।
भारतले आजको खेलमा दुई खेलाडी परिवर्तन गरेको छ ।युजवेन्द्र चाहल र मोहम्मद शामीलाई आराम दिँदा उनीहरुको स्थानमा कुलदीप यादव र रवीन्द्र जडेजाले मौका पाएका छन् ।
श्रीलंकाले भने एकमात्र खेलाडीमा परिवर्तन गरेको छ । जेफ्रे भण्डरसेको स्थानमा थिसारा परेरालाई खेलाईएको छ ।
