१९ असार, काठमाडौं । एकदिवसिय विश्वकप क्रिकेट प्रतियोगितामा अहिले वेस्ट इन्डिज र अफगानिस्तान भिड्दै छन् । हेडिङले कार्जीमा वेस्ट इन्डिजले टस जितेको छ र पहिले ब्याटिङ गर्ने भएको छ । अफगानिस्तानले वेस्ट इन्डिजविरुद्ध केहीबेरमा बलिङ थाल्नेछ ।
दुवै टोली लिग चरणबाटै बाहिरिएकोे हुँदा आजको खेल प्रतिष्ठाको लडाइमात्रै हुनेछ । जारी विश्वकपमा यी दुवै टोलीको यो अन्तिम खेल समेत हो ।
सुरुवाती ८ खेलमै पराजित भएको अफगानिस्तान अन्तिम खेलमा जित निकाल्न चाहान्छ भने अफगानिस्तानका प्रमुख प्रशिक्षक फिल सिमन्सले यहि खेलबाट राजिनामा दिँदै छन् । त्यसैले अफगानिस्तान खेलाडी अन्तिम खेलमा प्रशिक्षक सिमन्सलाई जित सहित बिदाई गर्ने सोचमा छन् ।
विश्वकपमा अफगानिस्तान र वेस्ट इन्डिज पहिलो पटक भिड्दै छन् । यी दुई देशबीच ५ वान डे खेल भएको छ । जसमा अफगानिस्तान ३ खेलमा विजयी हुँदा १ खेलमा पराजित भएको छ । एक खेलको नतिजा बिहीन छ ।
