१८ असार, काठमाडौं । साउन २६ र २७ गते माध्यमिक शिक्षा परीक्षाको पूरक परीक्षा सञ्चालन हुने भएको छ । बुधबार बोर्डले एक सूचना जारी गरी दुईदिने मौका परीक्षाको तालिका सार्वजनिक गरेको हो ।
दुई विषयसम्म ‘सी’ वा ‘सी’भन्दा तलको ग्रेड हासिल गरेका नियमिततर्फका विद्यार्थी सहभागी हुन पाउने छन् । २ विषयमा अनुपस्थित विद्यार्थीले पनि मौका परीक्षामा सहभागी हुन पाउने बोर्डले जनाएको छ ।बोर्डका अनुसार, साउन २६ गते १ विषय र २७ गते दुई विषयको ग्रेड वृद्धि गर्न चाहनेको परीक्षा हुनेछ ।
साउन १५ सम्ममा परीक्षामा सहभागी हुन चाहनेहरुले आवेदन फारम भर्ने समय रहेको बोर्डले जानकारी दिएको छ ।
प्रतिक्रिया दिनुहोस्