१८ असार, काठमाडौं । एसीसी अन्डर १९ इस्टर्न रिजन २०१९ प्रतियोगितामा नेपालले चीनमाथि १० विकेटको शानदार जीत निकालेको छ । किनारा ओभल क्रिकेट मैदानमा टस हारेर पहिला ब्याटिङ गरेको चीनले २३.१ ओभरमा सबै विकेट गुमाएर ५३ रन बनाएको थियो ।
चीनले प्रस्तुत गरेको ५४ रनको विजयी लक्ष्य नेपालले ५ ओभरमै बिना कुनै विकेट गुमाई पुरा गर्यो । नेपालको जितमा ओपनर पवन सरार्फ २१ बलमाको समाना गर्दै ६ चौका र ३ छक्का सहित ४६ रनमा अविजित रहे । त्यस्तै रित गौतम १० बलको सामना गर्दै १ चौका सहित रनमा १० नट आउट रहे ।
चीनका गुहावो गो र लिङ चेनले समान १३–१३ रन बनाए पनि अरु ब्याट्सम्यानले दोहोरो रन जोड्न सकेनन् ।
चीनलाई सस्तैमा समेट्न नेपालका सागर ढकालले ९.१ ओभर बलिङ गर्दै ३ ओभर मेडन राख्दै १९ रन खर्चिएर ६विकेट हात पारे ।त्यस्तै , ७ ओभर बलिङ गरेका तीलकराज भण्डारीले ३ ओभर मेडन राख्दै १५ रन खर्चिएर ३ विकेट लिए । कमलसिंह ऐरीको नाममा १ विकेट रह्यो ।
