१८ असार, काठमाडौं । कोपा अमेरिका २०१९ को फाइनलमा ब्राजिल प्रवेश गरेको छ। चिर परिचित प्रतिद्वन्द्वी अर्जेन्टिनालाई २-० ले हराउदै ब्राजिलले उपाधि भिडन्तमा स्थान सुरक्षित गरेको हो ।
१९ औं मिनेटमा फिर्मिनोले पेनाल्टी क्षेत्रभित्र दिएको लो क्रसलाई ग्याब्रीएल जेससले गोलमा परिणत गर्दै ब्राजिलका लागि गोल गरे ।
दोस्रो हाफको सुरुवात देखिनै अर्जेन्टिनाले ब्राजिललाई दबाबमा राखेको थियो । ७१ औं मिनेटमा जेसेसले दिएको पासलाई फिर्मिन्होले सदुप्रयोग गरि गोल गर्दै ब्राजिलको जित सुनिश्चित गरे ।
निकै प्रतिस्पर्धात्मक रहेको खेलमा रेफ्रीले ७ पहेंलो कार्ड देखाएका थिए । थप समयमा गोल हुन नसक्दा ब्राजिल फाइनल प्रवेश गर्यो ।
प्रतिक्रिया दिनुहोस्