१६ असार, लहान। सिरहाको लहान नगरपालिका स्थित पड्रिया चोकमा म्याजिक भ्यानलाई ट्रकले ठक्कर दिँदा ३ जनाको मृत्यु भएको छ। यस्तै ,अन्य १५ जना घाइते भएका छन् ।
सोमबार अपरान्ह पूर्वबाट पश्चिमतर्फ जाँदै गरेको ना १ ज ७४५४ नम्बरको म्याजिक भ्यानलाई ना८ ख २४१५ नम्बरको ट्रकले पछाडिबाट ठक्कर दिएको थियो ।
ट्रकको ठक्करबाट सिरहा निवासी ४० बर्षीय गणपति महरा, ७० बर्षीया बचियादेवी राम र नाम ठेगाा नखुलेको एक महिलाको घटनास्थलमै मृत्यु भएको जिल्ला ट्राफिक प्रहरी कार्यालय लहानका प्रहरी नायब निरीक्षक मनोज चौधरीले जनाएको छ ।
अन्य १३ जना घाइते भएको र घाइतेहरुलाई उपचारको लागि लहानस्थित रामकुमार उमाप्रसाद स्मारक अस्पताल तथा नरसिंह होम र ६ जना गम्भीर घाइतेलाइ धरान रिफर गरिएको प्रहरी जानकारी दिएको छ ।
प्रतिक्रिया दिनुहोस्