१२ असार,मोरङ । मोरङको पथरी शनिश्चरे नगरपालिका–९ मा अटोको ठक्करबाट एक साइकलयात्रीको ज्यान गएको छ ।
मृत्यु कानेपोखरी गाउँपालिका–६ का ६५ वर्षीय कविचन्द्र बुढाथोकी रहेको छ । दक्षिणबाट उतरतर्फ जाँदै गरेको को २ ह ३६८५ नम्बरको अटोले विपरीत दिशातर्फ गइरहेको साइकललाई ठक्कर दिँदा उक्त घटना भएको इलाका प्रहरी कार्यालय पथरीले जनाएको छ ।
ठक्करबाट घाइते बुढाथोकीको नोबेल अस्पताल विराटनगरमा उपचारको क्रममा मृत्यु भएको र अटो चालकलाई नियन्त्रणमा लिईएको प्रहरीले जनाएको छ ।
प्रतिक्रिया दिनुहोस्