११ असार, काठमाडौं ।आईसीसी एकदिवसीय विश्वकप क्रिकेटमा अहिले उपाधि दाबेदार न्युजिल्याण्ड र पाकिस्तान आपसमा भिड्दै छन् । इड्जबेस्टोनमा भईरहेको खेलमा न्युजिल्याण्डले टस जितेसंगै पहिले ब्याटिङ गर्ने निर्णय गरेको छ ।
जारी विश्वकपमा न्युजिल्यान्डको टोली निकै सन्तुलित छ ।न्युजिल्यान्डको ब्याटिङ र बलिङ दुवै उत्कृष्ट छ । अर्कोतिर पाकिस्तानको प्रदर्शनमा भने निकै उतारचढाव देखिन्छ ।
अन्तर्राष्ट्रिय क्रिकेटमा यी दुवै टोली एकअर्काका निकै पुराना प्रतिद्वन्द्वी हुन् ।यी दुई टोलीबीच हालसम्म विश्वकपमा खेलिएका खेलको नतिजाले पनि पाकिस्तानलाई नै बलियो देखाउँछ ।
विश्वकपमा यी दुई टोली आठ पटक आपसमा भिडेका छन् । पाकिस्तान ६ खेलमा विजयी भएको छ भने न्युजिल्यान्डले दुई खेलमात्र जित्न सकेको छ ।
प्रतिक्रिया दिनुहोस्