११ असार, काठमाडौं । धिवेही प्रिमियर लिगमा विमल घर्तीमगर सम्मिलित टिसी स्पोर्ट्स क्लबले सहज जित निकालेको छ । युनाइटेड भिक्ट्रीलाई टिसीले २-० ले पराजित गर्दै दोस्रो स्थानमा यथावत रहेको हो ।
टिसीको जितमा दुवै गोल इस्माइल इसाले गरे । खेलको ७० औं मिनेटमा कप्तान अब्दुल अक्रम घानीको फ्रिकिकलाई इसाले गोलमा परिणत गरे । इन्ज्युरी समयमा गोल गर्दै इसाले टिसीको जित पक्का गरे । खेलमा पूरै ९० मिनेट विमलले मैदानमा बिताएका थिए ।
प्रतिक्रिया दिनुहोस्