९ असार, मोरङ ।
मोरङको बुढीगंगा गाउँपालिकाको गंगाचोकमा ट्यांकरको ठक्करबाट १ जना शिक्षकको मृत्यु ज्यान गएको छ ।
मृत्यु हुनेमा विराटनगरमा आईटी सम्बन्धी हिमालय कलेजका शिक्षक सुनसरीको इटहरी उपमहानगरपालिका–४ घर भएका २९ वर्षीय सन्दीप पौडेल रहेको छ ।
इटहरीबाट विराटनगरतर्फ आउँदै गरेको ना ४ ख १९०५ नम्बरको ट्यांकरले विराटनगरबाट इटहरीतर्फ जाँदै गरेको को २६ प ३०५९ नम्बरको मोटरसाइकललाई ठक्कर दिदा उक्त दुर्घटना भएको मोरङ प्रहरी प्रमुख एसपी विश्व अधिकारीले जनाएको छ ।
दुर्घटनामा परेर मोटरसाइकल सवार पौडेल गम्भीर घाइते भएका थिए भने उपचारका लागि विराट टिचिङ अस्पतालमा पुर्याउन साथ उनको मृत्यु भएको अधिकारीले बताए ।
उक्त ट्यांकर र चालकलाई नियन्त्रणमा लिएर घटनाको अनुसन्धान सुरु गरिएको प्रहरीले जानकारी दिईएको छ ।
प्रतिक्रिया दिनुहोस्