९ असार, काठमाडौं । कोपा अमेरिका २०१९ को क्वाटरफाइनलमा अर्जेन्टिना प्रवेश गरेको छ । आइतबार राति भएको समूह चरणको अन्तिम खेलमा कतारलाई २-० ले हराउदै अर्जेन्टिनाले समूह उपविजेताको रुपमा दोस्रो चरण प्रवेश गरेको हो ।
अर्जेन्टिनालाई जित दिलाउन लौटारो मार्टिनेज र सर्जियो अग्युरोले एक–एक गोल गरे । खेलको चौथो मिनेटमा मार्टिनेजले गोल गर्दै अर्जेन्टिनालाई सुरुआती अग्रता दिलाएका थिए । त्यस्तै खेलको ८२ औँ मिनेटमा अग्युरोले गोल गर्दै अर्जेन्टिनाको अन्तिम आठको यात्रा तय गराए ।
समूहको अर्को खेलमा पाराग्वेलाई कोलोम्बियाले १-० ले पराजित गर्यो । कोलोम्बियाको जितमा गुस्ताभो क्वेलारले एकमात्र गोल गरे । लगातार तेस्रो जित निकालेको कोलोम्बिया अंक तालिकाको शीर्ष स्थानमा रहयो । ३ खेलमा ४ अंक जोडेको अर्जेन्टिना दोस्रो स्थानमा रहँदा २ अंक जोडेको पाराग्वे तेस्रो तथा कतार १ अंकसहित पुछारमा रहेको छ ।
प्रतिक्रिया दिनुहोस्