६ असार, काठमाडौं । स्पेनका विश्वकप विजेता खेलाडी फर्नान्डो टोरेसले फुटबलबाट सन्यास लिएका छन् । ३५ वर्षीय टोरेसले आफ्नो १८ वर्षे करियरलाई अन्त्य गर्दै खेलाडी जीवनबाट टाढा हुने निर्णय गरेका हुन् ।
पछिल्लो समय उनी सागन तोसुबाट जापानको जे–१ लिग खेल्दै आएका थिए। त्यसअघि उनले एट्लेटिको म्याड्रिड, लिभरपुल र चेल्सीबाट खेलेका थिए। स्पेनका लागि ११० खेल खेलेका उनले सन् २००८ मा युरो कप फाइनलमा विजयी गोल गरेका थिए।
२०११ मा खेलाडी अनुबन्धमा बेलायती क्लबको रेकर्ड तोड्दै ५० मिलियन पाउण्डमा चेल्सीमा अनुबन्ध भएका थिए ।
“१८ वर्षसम्मको फुटबल यात्रा निकैनै रमाइलो भयो र अब यसको अन्तिम समय आएको छ,” टोरेसले भने । साथै उनले फुटबल जीवनलाई र स्पेन राष्ट्रिय टोलीलाई पनि धेरै सम्झिने बताए ।
प्रतिक्रिया दिनुहोस्