५ असार, ओखलढुंगा।
ओखलढुंगाको रुम्जाटारमा जिप दुर्घटना हुँदा जिपमा सवार ५ यात्रु घाइते भएका छन् ।
दुर्घटनाबाट घाइते हुनेहरूमा सिनपा-९ ज्यामिरेका खड्गनारायण श्रेष्ठ, सुनकोशी गाउँपालिकाका भरत राई, खिजीदेम्वा गाउँपालिकाका फुरी शेर्पा, चालक सिद्धिचरण नगरपालिका-५ का सानुराम दाहाल रहेको छ ।
रुम्जाटारबाट सदरमुकाम आउँदैको को२ह ४९०० नम्बरको जिप सिद्धिचरण नगरपालिका-११ बरडाँडामा अनियन्त्रित भई १०० मिटर तल खस्दा दुर्घटना भएको जिल्ला ट्राफिक प्रहरी कार्यालय ओखलढुंगाले जनाएको छ।
दुर्घटनामा घाइते उनीहरुको ओखलढुंगा सामुदायिक अस्पतालमा उपचार भइरहेको छ भने उक्त घटनाबारे थप जानकारी आउन बाँकी रहेको छ ।
प्रतिक्रिया दिनुहोस्