४ असार, उदयपुर । उदयपुरको मदन भण्डारी लोकमार्गअन्तर्गत चौदण्डिगढी नगरपालिका– ७ स्थित लाटी खोलामा टिप्परको ठक्करबाट २ जनाको ज्यान गएको छ ।
मृत्यु हुनेमा चौदण्डिगढी नगरपालिका–४ बसाहाका खगेन्द्र राई र जीवन राई रहेका छन् । बसाहबाट बेल्टार जाँदै गरेको बा२क ७०९ नम्बरको टिप्परले सोही दिशामा जाँदै गरेको स१प ३६१ नम्बरको मोटरसाइकललाई ठक्कर दिँदा उक्त दुर्घटना भएको हो ।
दुर्घटना परि मोटरसाइकलमा सवार २ जनाकै घटनास्थल मै मृत्यु भएको इलाका प्रहरी कार्यालय बेल्टारका प्रहरी निरीक्षक गंगा पौडेलले बताएको छ ।
साथै टिपरका चालक फरार भएकाले उनको खोजतलास भइरहेको प्रहरीले जनाएको छ ।
प्रतिक्रिया दिनुहोस्