३ असार, काठमाडौं । आज हुम्लाको खार्पुनाथ गाउँपालिका–५ मा यात्रुवाहक जिप कर्णाली नदीमा खसेको छ । दुर्घटना भएको जीपमा गाउँपालिकाका उपाध्यक्ष सिन्धु शाही हमालसहित उनका पारिवारिक सदस्यहरू रहेको खुलेको छ।
दिउँसो साढे एक बजेतिर जिप नदीमा खसेको र अहिलेसम्म नभेटिएको नेपाल प्रहरीका केन्द्रीय प्रवक्ता डीआईजी विश्वराज पोखरेलले जानकारी दिए ।
तल्लो खार्पुबाट खार्पुनाथ गाउँपालिकाको केन्द्र याङ्चुका लागि छुटेको लु १ ज ७१६६ नम्बरको जिप बेडुबिसौना भन्ने ठाउँमा पुग्दा दुर्घटना भएको प्रहरीले जानकारी दिएको छ।
जिप बाटोबाट सिधै कर्णाली नदीमा पुगेको र घटनास्थलमा अहिले उद्धार टोली पुगिसकेको उनको भनाइ छ। घटनाबारे थप विवरण आउन बाँकी छ।
प्रतिक्रिया दिनुहोस्