३ असार, काठमाडौं । कोपा अमेरिका २०१९ अन्तर्गत आमन्त्रित टोली जापान पहिलो खेलमा साविक विजेता चिलीसँग पराजित भएको छ । साविक विजेता चिलीले ४-० को जित दर्ता गरेको हो । चिलीको जितमा एरिक पुल्गर, एडुएर्डो भार्गास र एलेक्स सान्चेजले गोल गरे । भार्गासले दुई गोल गरेका हुन् ।
४१ औँ मिनेटमा पुल्गरले गोल गर्दै चिलीलाई पहिलो हाफमा १–० को अग्रता दिलाए । ५४औँ मिनेटमा भार्गासले व्यक्तिगत पहिलो गोल गर्दै अग्रता दोब्बर पारे ।८२ औँ मिनेटमा सान्चेजले गोल गरे भने ८३ औँ मिनेटमा भार्गासले व्यक्तिगत दोस्रो गोल गरे । चिले ४–० ले विजयी भयो ।
यता जापानले र रियल म्याड्रिडले यसै साता भित्र्याएका ताकेफुसा कुबोलाई ९० मिनेट मैदानमा उतारेपनि गोल गर्न सकेन । दुवै टोलीले उत्तिकै अवसर पाएपनि जापानले आक्रमणमा भने फितलो प्रदर्शन गरेको थियो । जापानले अब शुक्रबार बिहान हुने दोस्रो खेलमा उरुग्वेको सामना गर्नेछ । यस समूहमा उरुग्वेले पहिलो खेलमा इक्वेडरमाथि ४-० को नै जित दर्ता गरेको थियो ।
प्रतिक्रिया दिनुहोस्