बलीउड अभिनेत्री रीमा लागूको निधन

बलीवुड अभिनेत्री रीमा लागूको ५९ बर्षको उमेरमा बिहीवार निधन भएको छ । छातीमा दुखाई महशुस भएपछि मुम्बईको कोकिलाबेन अस्प्तालमा भर्ना भएकी रीमाको गए राति सवा ३ बजे निधन भएको भारतीय सञ्चारमाध्यमहरुले जनाएका छन् ।

टेलिभिजनमा पनि निकै लोकप्रिय रीमा लागूले थुप्रै टेलिसिरियलमा अभिनय गरेकी थिइन् । ‘मैंने प्यार किया’, ‘आशिकी’ ‘साजन’, ‘हम आपके हैं कौन’, ‘वास्तव’, ‘हम साथ साथ हैं’ जस्ता फिल्ममा उनले उत्कृष्ट अभिनय गरेकी थिइन् । रीमा लागूले हिन्दीका अलावा मराठी फिल्ममा समेत काम गरेकी छिन् ।

बलीवुडमा रीमा लागूलाई  सलमान खानको अन स्क्रीन आमाको रुपमा चिनिन्छ । उनले सलमान खानको धेरै फिल्ममा आमाको भूमिका पनि निर्वाहा गरेकी थिइन् । सलमान खानसँग   उनले ‘मैंने प्यार किया’, ‘हम आपके हैं कौन’, ‘कुछ-कुछ होता है’ तथा ‘हम साथ-साथ हैं’ जस्ता  फिल्ममा काम गरेकी थिईन ।